- +998742138682
- [email protected]
2024 yilning 19 aprel sanasida DEBSEUz loyixasida qatnashayotgan mahalliy va Yevropa OTMlari vakillari oʻrtasida yana bir muhim uchrashuv boʻlib oʻtdi. Uchrashuv davomida toʻrtta asosiy masala muxokama qilindi va har bir masalaga maʼsul OTM vakillari oʻzlarinig taklif va mulohazalarini bildirdilar.
Loyihani muvaffaqqiyatli boshqarish masalasi (TATU);
Maʼlumotlarni jamlash va xodimlar malakasini rivojlantirish:
Quyosh energetikasi boʻyicha yangi tashkil etiladigan 12 ta bakalavr oʻquv dasturi uchun oʻquv rejalarni rivojlantirish boʻyicha maʼlumot-larni tartiblash (UEVORA);
Oʻquv reja asosida fan dasturlarini rivojlantirish imkoniyatlari taxlili (TIQXMMI);
Italiyaning Turin shahridagi POLITO institutida tashkil etiladigan birinchi uchrashuv boʻyicha fikr va muloxazalar almashish (POLITO);
Zamonaviy laboratoriya va tajriba markazlarini tashkil etish (ADU):
Loyiha mablagʻlari yordamida olinadigan laboratoriya qurilmalari roʻyxatini maqullash (ADU);
Qurilmalarni sotib olish boʻyicha tender jarayonini tashkil etish (ADU);
Loyiha haqida maʼlumotlarni jamiyatga keng tarqatish rejalari:
Loyiha doirasida olib borilayotgan ishlar va tashkil etilayotgan tadbirlarni yoritib borish jarayonining taxlili (FarPI);
Loyiha doirasida olib borilayotgan ishlar va tashkil etilayotgan tadbirlarni yoritib borish boʻyicha kelgusi rejalar(FarPI).
Uchrashuv davomida loyihani muvaffaqqiyatli rivojlantirish yoʻlida mavjud muammolarni birgalikda yechish boyicha kerakli yechimlar topildi va kelgusi vazifalar boʻyicha rejalar taqdim etildi.
Toshkent axborot texnologiyalari universiteti vakillari loyiha koordinatori sifatida ushbu uchrashuvning maqsad va unda belgilangan reglament bilan tanishtirmoqda.
Toshkent irrigatsiya va qishloq xoʻjaligini mexanizatsiyalash muhandislari instituti vakillari tomonidan oʻquv rejalarni ishlab chiqish boʻyicha taxlil va takliflar bildirib oʻtilmoqda.
Fargʻona politexnika instituti vakillari tomonidan loyiha doirasidagi maʼlumotlarni ommaga keng yoyish ishlarining olib borilshi va kelgusi rejalar haqida taqdimot jarayoni.
Loyiha qatnashchilari tomonidan fikr va mulohazalar almashish jarayoni.
2023-yilning 2-noyabr sanasidan Andijon davlat universitetida yangi xalqaro loyiha - “DEBSEUz” start oldi!
“DEBSEUz” xalqaro loyihasi doirasida Yevropa universitetlari tajribasiga tayangan holda bakalavr bosqichi uchun 12 ta yangi fan dasturlari yaratiladi va 7 ta Oʻzbekiston OTMlarida 1 tadan innovatsion laboratoriyalar tashkil etiladi. Shuningdek, yillik oʻquv-ilmiy konferensiyalar oʻtkaziladi hamda 69 nafar oʻqituvchi-mutaxassislar Yevropadagi hamkor universitetlarda malaka oshiradilar.
Loyihaning asosiy maqsadi: Oʻzbekistonda “Quyosh energetikasi” yoʻnalishida bakalavrlar tayorlash va mutaxassislarni kasbiy qayta tayyorlash boʻyicha innovatsion oʻquv reja va dasturlarni ishlab chiqish hisoblanadi. Natijada Muqobil energiya manbalari (Quyosh energetikasi) yoʻnalishida quyidagi ikkita ixtisoslik boʻyicha bakalvr mutaxassislar tayyorlanishiga erishiladi:
1. Quyosh energetikasi muxandisligi
2. Quyosh energetikasi tizimlariga texnik xizmat koʻrsatish va ulardan foydalanish.
Maʼlumot oʻrnida, Yevropa ittifoqining “Erasmus+” dasturi doirasida “Oliy taʼlim potentsialini oshirish” yoʻnalishida 2023-yilda oʻtkazilgan xalqaro tanlovda universitetimiz tomonidan milliy va xorijiy hamkorlar bilan birgalikda taqdim etilgan “101128871 - DEBSEUz - ERASMUS-EDU-2023-CBHE. Development of the targeted Educational program for Bachelors in Solar Energy in Uzbekistan” mavzusidagi loyiha gʻolib deb topilgan edi.
Universitetning “Umumiy fizika” kafedrasi va “Qayta tiklanuvchi energiya manbalari” laboratoriyasi jamoasini bunday katta gʻalaba bilan tabriklaymiz! Loyihada koʻzlangan maqsadlarga erishishlarida ijodiy zafarlar tilaymiz!
2024-yilning 22-yanvar sanasida Toshkent axborot texnologiyalari universitetida ERASMUS+ dasturi doirasida xalqaro loyiha ochilish marosimi boʻlib oʻtdi
Oliy taʼlim, fan va innovatsiyalar vazirligi, Muhammad al-Xorazmiy nomidagi Toshkent axborot texnologiyalari universiteti, respublikamizning 7 ta va Yevropa Ittifoqining 3 ta – Italiyaning Politecnico di Torino universiteti, Portugaliyaning Universidade de Evora universiteti, Ispaniyaning Universidad Politecnica de Madrid universitetlari hamkorligi, ERASMUS+ Higher Education Capacity Building loyihalari doirasida “Development of the targeted Educational program for Bachelors in Solar Energy in Uzbekistan (DEBSEUz)” xalqaro loyihasi ishtirokchilarining birinchi uchrashuvi hamda loyihaning ochilish marosimi (Kick-off meeting) boʻlib oʻtdi.
Tadbirda loyihaning maqsadlari, uning istiqbolini taminlash boʻyicha quyidagi qator masalalar muhokama etildi:
– Bakalavr bosqichi uchun yangi dasturlarini ishlab chiqish;
– Quyosh energeyasi mutaxassisligi boʻyicha bakalavr talabalarini oʻqitish uchun innovatsion laboratoriyalarni yaratish;
– Loyiha barqarorligini taʼminlash;
– Sifat nazorati va monitoringini yuritib boorish;
– Loyihaning kommunikatsiyasi, yangiliklari va imijini keng yoyish;
– Moliyaviy boshqaruvdagi muammolar va ularni birgalikda bartaraf etish.
2024-yilning 14-mart sanasida DEBSEUz loyihasida qatnashuvchi milliy OTM vakillari oʻrtasida ZOOM platformasida navbatdagi yigʻilish boʻlib oʻtdi. Unda har bir OTM tomonidan qaysi fanlardan oʻquv dasturlar va sillabuslar ishlab chiqilishi, oʻquv dasturlarni ishlab chiqishdagi muhim masalalar haqida kelishib olindi. Har bir mahalliy OTM ikkitadan fan dasturlarini ishlab chiqishi va ularga loyihada qatnashayotgan Yevropa OTMlari maslahatchi sifatida ish olib borishi belgilab olindi.
Shuningdek, barcha milliy OTMlarda quyosh energetikasi mutaxassisligini oʻqitishda talabalarning amaliy bilim va koʻnikmalarini zamonaviy texnologiyalar, oʻlchash uskunalari asosida oshirish maqsadida oʻquv laboratoriyalarini boyitish masalari taxlil qilindi. Oʻquv laboratoriyalari uchun loyiha grant mablagʻlari hisobidan olinadigan qurilmalar, oʻlchash uskunalari va ularning darslarni tashkil etishdagi ahamiyati yuzasidan fikr almashildi.
Quyidagi jadvalda tashkil etiladigan fanlar va ularni ishlab chiqish uchun masʼul OTM va yevropaning maslahatchi OTMlari haqida maʼlumot keltirilgan.
| № | Name of cources | Responsible HEI | Consulting HEI |
|---|---|---|---|
| 1 | Technological measurements and instruments of the industry 6 ects (Lab) | TUIT | POLITO |
| 2 | Electronic technical materials and elements 6 ects | KSU | |
| 3 | Electrical technological devices 6 ects | TUIT | |
| 4 | Solar Power 6 ects | TIIAME | |
| 5 | Optical and physical properties of semiconductor materials 6 ects (Lab) | ASU | UEVORA |
| 6 | Design of energy devices and stations based on alternative energy meanings 6 ects (Lab) | TIIAME | |
| 7 | Hybrid solar power plants 6 ects | ASU | |
| 8 | Production, transmission and distribution of electrical energy 6 ects (Lab) | FerPI | |
| 9 | Solar thermal devices and systems 6 ects (Lab) | FerPI | UPM |
| 10 | Technology for the preparation of solar elements, photoelectric batteries and their component devices 6 ects (Lab) | JPI | |
| 11 | Energy storage methods and devices 6 ects (Lab) | KSU | |
| 12 | Design of new technical developments based on alternative energy meanings 6 ects | TPU |